الشاعر يحيـﻰ امين (ضحكتني)
ضحكتني لمن تجيني تعذر
ماهو من الفرحه أخيراً تجيني
اضحك من الي جاء ولاعاد فكر
انه في وقت الضيق راح ونسيني
مسكين حالك منك القلب يسخر
ويقول وينك يوم ماكنت فيني
تحسب بأسف ينجبر ماتكسر
ولا بكلمه تنفتح لك يديني
ياصاحبي جرحك من العذر أكبر
أرجوك لاتبكي ولاترتجيني
بلغ ضميرك انه واجد تأخر
فات الأوان وضاعت أحلى سنيني
وان كان قلبك في النهايه تذكر
قله انتهى ماكان بينك وبيني
