الشاعر بدر بن عويد "وش تبين "
وش تبين ؟
جيتِ عنّي .. تسألين
جارتي .. سيّارتي
حارتي اللّي عاشتني صغير
توهي مثلي في الحنين
واذكري ذيك السّنين
اللّي مضت .. واللّي اغربت
واللي عيّت بك تجين
وش تبين ؟
ذوقي طعم .. الشّقا
يوم كنتي في السَّعاده غارقه
يوم شمسك .. شمس حلوه شارقه
يوم عشتي .. في ذرى حلمٍ جميل
يأسرك عكس المرايا
وتشخصك عين البرايا
وتعجبك نفسك كثير
وش تبين ؟
ما حسبتي حساب باكر
وإنِّ غَدنا لك يناظر
وإنِّ نَجماته تناثر .. بك تبين
وحينها بس .. ترجعين
وتذكرين أول حنين
بعدِ كِل هذا المسير
جيتي عنّي تسألين !
وش تبين ؟
