الشاعر يحيي امين سكوتي عنك لانك منت قدي

سكوتي عنك لانك منت قدي
          فلاتفهم غلط من ضعف عقلك
تكون لي ند ونته منت ندي
               حرام يكون ند الحر مثلك
لأنك دون ماتقوى التحدي
            تخيرلك وضيع ن مثل اصلك
انا لو قلت قلبي ملك يدي
           ماهو مثلك كلامك غير فعلك
يبي لك وقت حتى تصير ندي
              واخاف يكون انه ماكتبلك
نصيحه روح قبل يجيك ردي
           ترى ردي يبكي من ضحكلك
اذا شفت الأسد نيبه مبدي
               فلاتحسب بأنه يبتسم لك
فلا تغتر وتزيد التعدي
            تراه يثور في لحظه وتهلك