الشاعر سليمان النصيري دق الهجوس وهزّه الشوق واحتاس
دق الهجوس وهزّه الشوق واحتاس
والفكر من قبله من الشوق حاسي
ويذبح اشواق الهوى خنجر الـياس
يرمي بها في بحر مـاله مراسـي
ياخاطري ون غاضك الوقـت لاباس
يكفيني انك في شموخ الرواسـي
دام الوفا لك دار والعز لك سـاس
والصدق نهجك والعمود الاساسي
لايحزنك غالي فقد حلو الاحساس
ولا عـشـيراً عـنك غـافل وناسـي
دنـيا تـدور وهـكـذا عادة النـاس
ساعه فرح واعوام بين المآآسـي
اجزل بيوت الشعر من عذب هوجاس
وانظم قوافي حرفك الدبـلمـاسي
ولاتصدق هرج واشي ودسـّاس
جنب مسيرة كل خايـن وخاسـي
يعني على ماقالو العرق دساس
من منطقك والفكر قدرك يقاسي
الفرق مابين المـهلهل وجسـّاس
گالفرق مابين الذهب والنحاسي
