ابوهيثم المعشني/مرت امامي
مرّت أمامي وابتسم وجه العزيزه في جواب
واحيت ببسمتها طيوف خفّاق مقصوص الجناح
كل الزمان اللي مضى عوّد وفاتح الف باب
خيّم على قلبي حنين ظنّيته قد ولّى وراح
بالحيل مدّيت النظر والله ولا كني مصاب
والروح ودْها تنفجر صوبه تضمّه للجراح
طالعت في عينه سنا عبره تعاتبني عتاب
لاهو بكا لا هو فرح لكنه فوق الإنشراح
والعبره كنْها سلسبيل حالي معاها الصدر ذاب
مثل الذي راضي وهو قربان وبدمّه مباح
صفّق معاه احلا شعور بالقلب من ذنب وثواب
واجمل أحاسيس الحياه كالصبح أن أشرق ولاح
والناس والعالم تمُر بينا ولا عن عيني غاب
والوقت واقف والزمن م ادري مسا اوهو صباح
الله يادهر الخفى كنت أعتقد انك سراب
وان الوفا عن دنيتي قد طار إدراج الرياح
ابوهيثم
