خالد الوائلي لني فقير يكرهني المزايين

لنـي فـقـيرٍ يـكـرهـني المزاييـن
.....اش ودي اسوي دام هاذي حياتي

انا هواتي شـوف وضح البعـارين
........واكبر طموحي قفرهن بالفلاتي

لني بدوي ياهيه وانتي تعرفين
.........ماغير اطـباعي لحـزت مماتـي

موتي والا غير. سلوم العـزيزين
.......من عقب موتي وباقيـه  ذكرياتي

يبي يجيلك يوم يامـكحل العين
.......تشوف انا.واشلون عايش حيـاتي

فـقير لاكن عـزتـي فـوق يازين
........فيني القناعه ورث ماهي دعاتي

بالبر اعيش مجرب الشين وزين
......وان ظافني هوجاس ازبن صلاتي

راكع وخاشع في صفوف المصلين
..........ولاعيشةٍ ضمكه بطـرد البناتـي

بالعروه الوثقـى مجـود بها لـيـن
........يـدفـني اللـي مايـجـود وصـاتـي

ياحافـرٍ قبري تريـض وبـهـويـن
.........في داخلي روحين يالله الثباتي

روح العشير بداخلي اريش العين
........اللي سكن روحي يالين المماتـي