عبدالله العنزي راعي الشعلا "لاتوقع"

لا توقع خير من حاقد حقير
لو يسيل السمن بواديه احرقه

لاتغرك لمعة السيف الشطير
كم سيف/ن صاحبه ما عرقه

وش يجيب رغى الفاطر للهدير
وش يجيب كداشها لمعرقه

وش يجيب انعاقها لصوت الزئير
وش يجيب ارماحها ..  للمطرقه

وش يجيب جساس لمهلهل الزيز
لو غدر بكليب سالم .. يحرقه

اشهد انك فوق رتبات المشير
مثل شمس/ن فوق بيدا مشرقه

ما توانا دون صيحات النذير
نعم منهو باب بيتك يطرقه

ليت عندي مثل شرواكم كثير
واتباها بين ربع ... التفرقه