الشاعر فيصل الشتيوي واحر قلبي مثل حر البارحه
واحر قلبي مثل حر البارحة
والليل مبطي والنواظر سارحة
على اللذي بيحت عنده سدي
وكل يوم اقول اليوم ود اصارحه
اللي تملكني ولا يدري بي
ويخطي وانا من طيبتي بسامحه
اغليه وامشي في غلاه ووده
كني له اليوم البلاد المانحة
جيته وله جيته غلا جيته وانا
كلي امل في فيسه اللي فاتحه
اكتم هواي اللي سكني مدة
لكن عيون الشوق دايم فاضحة
صبحه دفا ليله على صدري غفا
ومدري جفا ولا كذا جوارحه
في عيني اليمنى غلاه وشوقه
وفي عيني اليسرى طيوفه سابحه
اريش شقي غرشوب في نظراته
ما يبتسم الا اذا بمازحه
اهيف غنج دلوع لين راقي
يزعل علي منشان اجي واصالحه
وليا زعل جيته وانا متعني
منشان اقبل جبهته واااصافحه
ولو يوم عني صد لا تنسوني
اقروا علي الزلزلة والفاتحة
