علي صالح ابونصور/الهوا والحب

الهوى والحب نعمه عند من له قلب رايق
والجفاء والهجر سلعه عند محروم التﻻقي

والشعور اصدق وسيله واجمل اوراق الحقايق
والحقايق لو تداعت مابقى للحب باقي

وانت يامن قلبك اصبح في دروب الحب عايق
ليت مامديت ﻻجلك في دروب الحب ساقي

كيف تعشقني وقلبك من وجودي حيل ضايق
كيف تهواني وانا اللي في رضاك ولهان شاقي

ماتناسبك الصراحه ماتبي حب الوثايق
ماتبي خلد المشاعر ماتبي واسع نطاقي

انت تبغى حب عابر يروي احساسك دقايق
حب متلون خياله ماتبي حب اعتناقي

بس ﻻتجرح شعوري يكفي اجروح وعوايق
لو فتحت القلب نسبه ياكثر غيرك بﻻقي

بس ماخايلت غيرك زهر في جو الحدايق
ﻻكن اقدار التباعد غيرت ماكنت هاقي