الشاعر عيد الصايل الخريصي هاذا أنا مبطي مع الوقت مجروح
هاذا أنا مبطي مع الوقت مجروح
أزرع إحسان وينقلب شر ضدي
ما بعد قدمت العناوي لمصلوح
ولبس المكارم أكتسي به بقدي
يا حيف من تبذل له الطيب بنضوح
تقلب أفكاره في مقامك تردي
كل ما هقيت بهقوةٍ تاتي بموح
تقل معي ومع هقوتي به تحدي
وياما كتم بداخي وقلت مسموح
وأدمح من الميلات دامه تعدي
أثر التسامح في هل الجحد لافوح
وبعض الجحود بغيها تستمدي
خص بجحود اللي تعزه من الروح
هاذا جروحه بالحشا تستجدي
كل ما أتذكر ميلته دمك يفوح
وشلون يقلب من تمالاه ودي
لاكن كثر ما شفت عثرات وشحوح
أبقى صبور لجرحها ومستعدي
ما صابني من دنيتي درس ونصوح
وأخذت منها عبرة ٍ لين حدي
مشكور يا وقت الشقاوة وممدوح
ﻷنه قساتك بيّنت كيف ندي
بفضلك غديت أرمع لقى الناس بوضوح
وعين الخذول أفهم لها من تلدي
