Abo Malak Abbad اضحك لنظرتها واداعب ثغرها

اضحك لنظرتها ````` واداعب ثغرها
````````` وتبتسم في ذوق وإحساس وشعور

تسلبني الدنيا مجرد ````````` نظرها
```````` اشلون ياعالم `` اذا اجتمعت اصدور

تلك العنود اللي ````` خفوقي إسرها
````````` وذاك انا في حبها ``` صرت محصور

قلبي فلاه صحراء ```` يناظر مطرها
````````` وعيني ظلام وما ارتجت غيرها نور

إن طالت الغيبه `````` أضل انتظرها
````````` ولو تغيب أيام `````` وسنين وشهور

هي الحياه ويش ```` الحياه ابكبرها
`````````` هي الشذا هي رائحة `` عود وعطور

وثائق أيامي `````` تدون ``` صورها
`````````` في مكتبة قلبي `` لها شان وحضور

أغار قطرة ماء `````` تلامس ظفرها
`````````` واغار لو شفت اسمها  ضمن منشور

احسد يديها لو ````` تداعب شعرها
`````````` مجبور انا في  حبها غصب  مجبور

روحي اذا روح الغرام ``` احتضرها
`````````` تشعل خفوقي `` نار وأنهار ع الفور

قلبي ``` وأخلاقي ``` وفكري اسرها
`````````` وانا بطيبة ``` قلبها صرت `` مأسور