الشاعره الشوق طير (جيت اسمو بالفخر واشمخ بعزي في فخر)

جيت اسمو بالفخر واشمخ بعزي في فخر
ياقبلةً بالمجد تخفق في السما راياتها

في داخلي تسكن قطر  وكل شي فيني قطر
وتطرب اشواقي لها  عشقي هوى ساحاتها

فيها تميمن بالوفا قلد مفاتنها  درر
واعتلت فوق الاعالي  واثمرت واحاتها

وجيت اشارك احرفي وانثر جزيلات الشعر
واسل سيفي وامتطي جزل الفكر وابياتها

من شاعره تهوى المعاني في تراتيب الفكر
تصحى من النوم المعاني بعد طول سباتها

اهل الوفا واهل الكرم  دار البداوه والحضر
ماتغيرت بافعالها  او غيرت عاداتها
#الشوق_طير