الشاعر ماجد عبدالعزيز اي والله بالاوجاع محصوره

اي والله النفس بالاوجاع محصوره
_________ ياطلة الشمس وينك ليلي اعياني

وش حيلة القلب دام النبض مكسوره
_______والجرح يعزف على نبضي ووجداني

اتهدمت في حشايا دور معموره
________واتحركت خيل في فكري وميداني

تطلع قوافي على الجزلات محظوره
___________ رغم المعاني تفسر روح قيفاني

ساهر على أوضاع فيهاافكار مغموره
___________ وسببت في حنايا قلبي احزاني

العين عافت تشوف الناس مجبوره
_________والدمع ماعاف عيني حرق اجفاني

والغربه الي بها الأرواح مهجوره
___________لاسامح الله زمن  بالغربه ابلاني

وش يبري الجرح والجراح دكتوره
_______ وش ينفع العمر دامك عشت وحداني

زهور الأيام ترسم داخلي صوره
____________وفقرها لا حكم  قلبي بعصياني

والشاعر الي خيار الناس جمهوره
________افضل من الي يشوف الناس عدواني