الشاعر بلال القنطير الشملان لطفك وسترك عبدك اللي ترجاك

لطفك وسترك عبدك اللي ترجاك.
عبد(ن)  ذليل لعزتك ملتجي  لك .

يالله انا ماطمعتي كثر  الاملاك.
ودي تغفر الذنب جيت اشتكي لك

انت الرحيم انت الجزيل بعطاياك .
يا كبر حظ اللي وصله جزيلك .

ادخل عليك بوجهك اطلبك برضاك.
ومن ضيقة لحود المقابر  دخيلك.

لو قلت لي جنحان ياعبدنا هاك.
مالي مفر/ استغفرك وانحني لك .

انت العظيم الكون يقبض  بيمناك.
تضعف كبار الخلق من تحت حيلك.

وانا الضعيف اللي توجه وينصاك.
ينصاك بالدعوه ولا له بديلك.

اغفر ذنوبي واستر العبد لجاك.
ادمح خطا للعبد يرجي جميلك .

يوم الحساب اطلبك واقول رحماك.
ادخل عليك ..ارجوك. .ربي دخيلك.