الشاعر يحيى امين (الزين لويحكي اذوب بكلامه)

الزين لويحكي اذوب بكلامه
         تحمر من حلو الحكي وجنتينه
ويتبع تعابيره معي ببتسامه
             ومحلاه لما تلتقي حاجبينه
حسنه مجنني وتهت بغرامه
      أبحر بلامركب انا في نون عينه
جميل فاق الوصف بأعلى علامه
     تخجل شعاع الشمس لمعة جبينه
حمر الشفايف فوقها أحلى شامه
       وخدود بيضاء مثل ما الياسمينه
وشعره نزل لما تعدى حزامه
والجسم من يوصف عسى الله يعينه
رقه وجمال وسحر حتى عظامه 
      مزيون رب الخلق أبدع في زينه
ملك جمال الكون يبقى وسامه
شوكه في عين أهل الحسد والظغينه
انا اسيره دون يرسل سهامه
        روحي وقلبي في يدينه رهينه
ياليت يسمحلى وهذي كرامه
      اكتب حروف الشعر في راحتينه
ويقرأ تعابيري واهيم بهيامه
       واعيش لحظة عشق بيني وبينه