الشاعر سليمان النصيري الله من دنــيا التــعب والمعــاناه
الله من دنــيا التــعب والمعــاناه
كم حمّلتنــا هم ســـــود اللــيالي
الصبر طال وطوّل الليل مـسراه
والبال ماهو من عيا الوقت خالي
الصدر به ضيقه من اقصاه لادناه
صار الفرح بالقــلب ماله مجـــالي
ماظل من صوت الفرح غير ذكراه
جروح تشكي من طعون النصالي
والدمع كنّه سيل من وسط عيناه
تجري على خد الــعزيـــز المثــالي
الصمت خيــر من الــتفاكير والآه
لاصــار من تغــليه بــك مايـــبالي
خل القدر يقضي بحكمه ومجراه
ماحد من المكتوب ياخوك مالـي
كم واحداً تل المعالـــيق فرقـــاه
وياكمٌ غالي يشتكي بعد غـــالي
هذا الزمن مابين مــرّه وبلــــواه
دروس نتـــــعلم بـــها للتــــوالي
ون كان لك خلً تحــبه وتـــهواه
ارفع مكانه دايــم الـــدوم عالــي
عسى مع الايام ياخـــوك تلقـــاه
وتقر عينك بالـــلــقا والوصــــالي
