ماجد عبدالعزيز(يقول من صاغ القوافي عاش فالحصن الابي )

يقول من صاغ القوافي عاش فالحصن الابي
______من نسل سلطان البداوه والكرم جدي واباه

اخذت قاموس الرجوله من زمن وانا صبي
_____ شامخ على كل الرذايل طالب الله في رضاه

بدوي وعندي رأس مالي شيمتي ومذهبي
_____نمضي على دين التسامح جل ربي في سماه

نخوه زرعها الله فينا بالفراسه نرتبي
________من عهد جدي مانخالف نهج بالطيبه بناه

من قوم بخشام الجرامل تأخذ الي هي تبي
________عزوه لها هيبه عظيمه والعدو تكسر يداه

الكفو لاجاني مكانه يرتفع فوق حاجبي
______والنذل لاشفته دهسته تحت رجلي مستواه

طبعي اذا جات المنيه خلف غيري ماختبي
_______كلا ولاتنازل على اسمي دام لي عزه وجاه

مابين اشبال النماره فالحسايب محسبي
________مطنوخ مانزلت راسي في ميادين الغواه

مادام ضركام المحنك مرجعي ومنسبي
_______ ماهمني فعل الصعاليك والسرابيت العراه

ماجد عبدالعزيز