خالدالفاضلي(حجة الغايب)
يقولوا حجة الغايب معه والعذر للغايب
ونالي غايبً طول غيابه مامعه حجه
تعب قلبي من ايام انتظارك ياامل خايب
ومل الفكر بالتفكير والهاجوس والسجه
تعبت احصي تناهيت الخفوق المتعب الذايب
تعبت اجمع شتات احساسي المنثورمن درجه
تعبت اكون لطايف الالم في دنيتي نايب
تعبت اداري احلام الخيال الساكنه برجه
تعبت الفت نظر من كنت بين انظارهم عايب
وروض خيل مايعرف ماقاماته ولا سرجه
تعبت اتجاهل التهزيئ من غادي ومن جايب
والف عذر للي ما وجد له عذر في نهجه
تعبت ابوح شوقي كل ما نس الهواء الثايب
تعبت ايضاً في الدخله بعالمكم وفي الخرجه
خلاصة قصتي يا حلم في قلبي غدا شايب
ترا ماحد لاحد كلن لحاله ينكتب مسجه
خہٰالہٰد الہٰفہٰاضلہٰي
