الشاعره غروب المساعيد(عالم التواصل)
جاني يشكي إنكساره بعد قصّة حب ساره
يا خساره يا خساره للأسف عاش بخيال
إتّضح له بعد مدّه إنّ ساره قدّ جدّه
ترخي الحبل وتشدّه لين نبض القلب مال
والمصيبه ال ما حسبها يل شبع منها وشربها
ابرزت ساره شنبها °~° والعقل صابه هِبال
تدري انه صار عادي التلاعب والتمادي
بالمشاعر يا ودادي في مجال الإتصال
في مواقع هالتواصل للأسف خدعه التواصل
كل ممشانا فواصل نتبع اسراب الظِلال
أقنعه في أقنعه لِد لا إجابه مقنعه بد
من يعيشه واقعٍ هُد في الحقيقه لا جدال
هات يدّك قوم عرّج في خماجه لا تغرّج
لا تقلّده المُهرّج العدل ودّه قتال
من مشى فوق الشظايا يحتمل جرح الضرايا
منهم اقراب وقصايا من يمين ومن شمال
عالمٍ فيه العجايب فرّق اعزاز وقرايب
لمّ اغراب وحرايب ، عالمٍ شابه الهزال
ياخذك قلبك تساعد للتظنّه لك يساعد
للأسف موتك يزايد يرخصك كنّك نعال
عالمٍ جدّاً معاكس راية الإخلاص ناكس
جملة الإحساس واكس وين مدري لأي حال
في البدايه والنهايه النّصح أرقى روايه
وش لك بساره وكفايه دامها واقع خيال
#بقلمي_غروب_المساعيد
