الشاعر امين ابومازن لاشفت زينه بدويه ناشف الراس
لا شفت زينه بدويه ناشف الراس
وقولها من راسها حد كالسيف
الزم حدودي واهمس الحرف باحساس
تلميح ما تقدر تفرق على كيف
ما كل كلمه ساسها ظاهر الساس
مثل الشتاء عند المحبين كالصيف
ان اقبلت لبّستها لول والماس
والا فقلبي عندهم مر كالضيف
اما وقامت بالعوايد كما الناس
والا فيا حمى ابوها وياحيف
حاشا كرمها بنت عزن ونوماس
من يدها اتقهويت واتكيف الكيف
