اسير الحرف(انتي احلى وجه واطيب قلب واصفى نيّه)

‏انتي احلى وجه واطيب قلب واصفى نيّه
♡♡♡وانت انت اللي تتعبني بذكر وصوفك
ㅤ
بعدك اشوف الوجيه الفارقه عاديه
♡♡♡ليه كنت اشوفهم حلوين قبل اشوفك

مادريت ان المشاعر راكده مطويه
♡♡♡في غرامك وانت فيني مستمد وقوفك

اعشقك عشق الملبي في الحرم والنيه
♡♡♡عفو ربي عن ذنوبه وانت هات كشوفك

عشق مامثله تمكن في القلوب الحيه
♡♡♡عشق شاعر طرز اسمه في بياض كفوفك

كم رساله من يدينك وارده نصيه
♡♡♡ذوبت قلبي بحبك من جمال حروفك

كم جميل الهمس منك لحظته ورديه
♡♡♡في خفوقي حط رسمه ماانتسي معروفك

ان حظنت احساس قلبك في لقاء حنيه
♡♡♡صار ليلي عنب ناضج منتظر لقطوفك

وان بعدت احسب ليالي خاطري مبليه
♡♡♡لعنبو ليله تعدي دون ماانااشوفك