ممدوح الهروط الحمايده قالوا المراجل
قالو المراجل يدخلوها بمية باب
... والهوش آخر باب يمكن دخوله
الله خلقنا وجاعل ن فينا الالباب
..... والمرجله ما كل شارب يطوله
المرجله صبرك على جور الاقراب
..وصفحك لزلة صاحبك عند قوله
والمرجله جارك إذاطناب بطناب
.... تحفظ مكانه دام عندك نزوله
والمرجله صدقك لو الوقت كذاب
... والسانك حصانك واحذر ميوله
المرجله فعل ن واخذن بالاسباب
.. والوطا دون الشوف زل بسهوله
المرجله رايك بعد صمت قد صاب
.....والي تعجل صار هافي مقوله
المرجله جود وعطا طيب وطياب
...... عطا ايدينك فيه أجرن تنوله
المرجله لا صارب به قطع الارقاب
.. دون الوطن والدين تاج البطوله
من رادها يتعب ويدخل بترحاب
.. ومن صكها هافي ومابه رجوله
