الشاعره الشوق طير ماكنت لي غالي ولاكنت ممنون
ماكنت لي غالي ولا كنت ممنون
ولا شربنا الحظ بعد الفوايد
ولا رقى سلم خوافيك مطعون
ولاحكى للعذل هرج النقايد
ياما حفضنا العهد والعهد مصيون
شرع الوفاء من مسندات العقايد
ان جيت اكتب لجله الشعر موزون
تبكي على روحه جزال القصايد
ياحرفي ارحل قبل ماكان ويكون
واغرف ومد الروح منك المدايد
ولا تذرف الدمعه اذا كان يبكون
ولاتبتسم للهرج وقت الشدايد
مادام ترقى فوق ما كان يرقون
البس من اشعاري عفاف القلايد
واياك لومات الوفاء مات مغبون
في وقت فيه القال والقيل سايد
