ماجد عبدالعزيز(هونك على قلبي فديتك بعدك الحب اقفله)

هونك على قلبي فديتك بعدك الحب اقفله
__ يحرم على نبض المشاعر مالها غيرك مجال

فيك ابتديت العمر كله والوله والبسمله
___ فيك انتقيت الشعر كله في معانيه الجزال

والله ماغيرك تملك دم قلبي بأكمله
_____ كلا ولاغيرك سحرني في كلامه والمقال

عينك لها نظره قويه ماتمنت توصله
___وانا على شانك وليفي هدني شوق الوصال

اقرب على عيني وخله نونها يتأمله
___يكفي على عيني مواجع دمعها فالبعد سال

انتي روايه مستكنه في حشايا مذهله
___انتي على أرقام التألق عشق روحي والمنال

مثلك مثيل النجم رافع صعب غيري ينزله
______كونك على كل المشاعر ماتوازيه الجبال

الله يامكنون مهره راقيه متعلمه
____غيرت توجيه اشتياقي عن دياري والحلال

ماجد عبدالعزيز