خالد الوائلي لاتنشدوني عن الحقايق والاسباب
لاتنشدوني عن الحقايق والاسباب
خلوني انـسـى داخـلـي إلـف ونــه
انا الذي من رمح الاقـدار منـصاب
سـود الليـالي وسط صـدري رمنـه
جريح طاح وطاح مابين الاجناب
حـزنه شديـدٍ وسط جوفه يڪنـه
اسير ماله لا قـرايـب والا صحـاب
من دون ربعـه حال حـايـل ولـنـه
كتوم حـزن ولانفـتح للحكي بـاب
يجمح جمـوح مكاضمات الاعـنـه
عقب المعزه عشت مابين الاغراب
الهـم مـثل الـقوس والصـدر شـنـه
لاجر صوت الحزن ذكرت الاحباب
صدري فريسه ذيـاب هـمي كلـنه
لا ياحـمـد دون الوطن سكر الباب
يوم اختلف محـماس قافي وبنـه
اللي ترابه ڪـن ماشــوفــه اتـراب
شوفـي له بڪـف الغــناديــر حـنه
عدت ثمان اسنين والجرح ماطاب
الحرب قـايـم بيـن شـيعـه وسـنـه
وانــا هـنــيـا لـو تـصـبـرت ڪـذاب
مقوى غياب اثنين مـفـتـاح جـنــه
لاتلومني لو شفت شيبي بلاهـداب
صـوادف الايـام غـصـب اضـهـرنـه
الدمع حاول بٲطرف الموق ينساب
لاكن رمـوش العين غصب احبسنه
