الشاعر سليمان النصيري شل القلم ياهاجسي وارقى سنود

شل القلــم ياهاجـــسي وارقــى سنود
واطلق سهام الحرف ذي جوفك اسير

انحت حروف الشعر في صم الحيود
ولاهزك النسناس قـم حـــلق وطــير

ياهاجسي ون ســـكّرت كل الحــدود
ربك على حل العقــد وحـــده قـــدير

قال النصــيري ياكباريـــن الجـــــهود
واهل الوفا والعز والسيف الشـــــطير

ليش الزمن خـــــــلا الردي مولا نفــود
والنذل صار اليوم في منصب اميــــر

لايازمان المــــرجله ليتـــك تعــــــــود
قد شوهو بالمـــرجله كـــــمّن حــــقير

الكفو يعـــزم في فــــعوله والوعـــــود
والعز والناموس نهـــجه والـــمصــــير

العز والحشمه من اطبـــــاع الجــــدود
والطيب والمعروف في جوف الضمير

والمـــــرجله ماهــــي بعدّات النـــقود
ولا بكثر الـــــثرثــــره عبـــر الاثــــير

المرجله حشمه على طيـــب العــــهود
انشد رجال العـــرف عنها واســــتشير

الشهم طـبعه مثل ماطــــبع الاســــود
ولا الردي مايشـــبهه غيـــــر الحمــــير