الشاعر سليمان النصيري الشعر في حق الوطن

الشعر في حق الوطن مـــايوفي
❂❂❂ولا مــــداد الارض بايكــــــفيني

يحتار فكري كيف يشـــــرح حبه
❂❂❂كامل بحور الـــــشعر ماترويــني

امي اليمن ياعشق ساكن روحي
❂❂❂يافخر من نبع الوفا يســــــقيني

ويابـــــلادً عـــــزّهــــا خالقـــهــا
❂❂❂يادرةً يسحر ضـــــــياها عيـــني

ارض الشجاعه والـــبساله ارضي
❂❂❂وحبها واجـــــب كحـــبّي ديـني

ان غبت عنها ينطوي بي شوقي
❂❂❂والبعد والغربه لــــضا تــــكويني

ياارض حـــمير ياســــبا ياتـــبّع
❂❂❂اصل العرب والفخر بش يعنيني

اقسم بمن هو فوق عرشه حاكم
❂❂❂دونش كـــنوز الارض ماتغــنيني