شمس الأصيل لتراث الشعر

لو يُكتب الاحساس في بيض الاوراق كان انفضح سر الهوى بالخلايق  ولو تنحكي بين البشر كل الاشواق كان ازهرت وسط القلوب الحدايق  مثل الخيال الي يحلق بلافاق وراعي خيال البوح انسان رايق  كم واحدً لو حزه الوجد يشتاق ياكن  صدره  من عذابه حرايق يسل روحه سل من وسط الاعماق يمسي وخده  للمدامع  طرايق  يطالع يمانيها اذا لاح براق تمطر غمايمها وتزهر شقايق

حياك ياشهرً تجلي نوره  الرحب البديع بيبانك الرحمه وغفر الذنب في ساحة رضاه شهرً يُكرم كل عبدً فيه  بالفضل الوسيع وينال فضله كل من جنات عدنً مبتغاه

البعد يقطع بلب القلب قطع السيوف ياعون نفسن تقاسي البعد ياعونها  ليالي السعد ولت ياليالي الكسوف والروح باحت لصمت الليل مكنونها شعور واحساس سجلني ودون حروف الشعر والفن عازفها ومضمونها ياطير يلي لك الجنحان فيها تطوف لك بوحي اغصان كيف العيش من دونها والفجر سندس جمالك والمعاني تشوف واشراقة الشمس تتغزل بمفتونها تسكن بخاطر شعوري والمشاعر وقوف تبكي فراق الليالي وهمالة عيونها ذكرى تهز المحاني ياجميل الوصوف من فوق قلبٍ جريحً تمشي على هونها

ش١يلومني واقول ويش فيك مشتاق ويقول ويش الشوق ياذا المصيبه كم ياقتيل الشوق ميت بالشواق لو تنطفي عين الهوى ما تجيبه وكم شاعرن يكتب شعوره بالوراق وتبكي الورق حتى تزايد لهيبه ماتدري ان الشوق ناره بالعماق وماكنت تتمناه ماتهتني به البعض عنده الحب سلعه بالسواق لو تنطفي عين الهوى ماتجيبه يازين من يوفي وان ذاق ماذاق ويازين من لاطف بوده حبيبه ماعاد فيه من عشق او عاد عشاق المصلحه لو يذبحو له قريبه لو كان روحك بالوفا عمد ينساق ياكن ماشافه  ولا من دريبه الحب اصبح فلسفه وسط الابواق كلمه توديها وكلمه تجيبه قلب المعنى فاق من غفلته فاق  يهناكم الي فات ياكثر طيبه

ماكفكفت كفن ولا كاف مدّن دون القدر واحكام ربك  وربي خلك بذكر الله ميقن ومؤمن ينير  دربك  مثل ما  نار دربي ومن تلوى خلف حلفً وهيجن تغاد  اسرابه وهو دون سربي

الوقت ماعاد فيه ياصاح من الرجا والامل مصلوح نضحك وباجوافنا الجراح ما تشفي البسمه المجروح والبعد قاتل ردي سفاح من خنجره كل وجد ينوح تموت باعيانه الافراح يمسي الهوى طايرن مذبوح والحي عايش بدون اجناح على المأآسي تجي وتروح

ياحظي المقرود ويش بك تبعثرت وين الامل ياحظي الي بنيته اشعلت فيني الشوق بالنار واسعرت حتى تأجج في ضلوعي بصيته وان لاح لي بارق خيالك تبشرت ياكم توسلت الضيا واحتريته ياقل حظن كلما شفته اكثرت درب الاماني لين جاني وجيته وياكبر همي ساعة الي تعذرت وياكثر كبر العذر لين ازدريته ماهو بعذر الي تخيلت واحزرت وعدن بسهم العذر عمدن رميته لو كنت سيفن في يمينك تكسرت من وقته الي في الصراع ابتديته

الحق ضايع   يازمن كلك اغراب وحنّا على كل الفعايل  مدانين كم واحدن من غصة الوقت مرتاب محروم حقه في غرور  السلاطين قد سكرت دون الكريم كل الّسباب لكن علامك يا الكرامه تعانين مادام لك في ساحة الصبر  شبّاب تتصدري بالعز  كل  العناوين

يامدورً عن  شي وفاقد لك اشيا  في ليلةٍ وجه السماء يحجب الضي  في مسلكٍ السير فيه يجلب اعيا  ومعاوده لاميتٍ فيه ولاحي دوّن على وجه الورق بعد لقيا في مشمسٍ  يومٍ يدور على الفي  لوراح وهمٍ بين شمسٍ وفيا  كحلم وردٍ في صحاري بها ري

قل للردي مالي انا بالرديين ماصافحت يد الردي اجوديه حنّا هل المعروف واهل النياشين عاداتنا على الشهامه ابدويه من جا لنا بالطيب جينا كريمين نبادل الاحسان طيب وسجيه الحر حرن ياطيور الشياهين حومي على كل التلال العليه خلي الردى لمن على مركبه شين الحر ما ينحط فوق الرديه لو مزقو جسمه بحد السكاكين يموت بالعزه وله روح حيه ومن تعلق في هروج البزارين بزرن بعين الحر راكب مطيه فسائلك ياالله رجاء العزيزين تستر عيوبن من وراها الاذيه لا مزقت ثوب الكرامه شياطين تستر بثوب الستر كذب الخطيه

من قلب دار التميمي ارسل البشرى لدار فخر النشاما موطن اخوالي اقرا بنود الاخوه والوفاء اقرا يسمو بها الفخر اكبارن واجلالي الصقر والذيب ذكرا وايما ذكرا اذا تلاقت سكن في عزها امالي اخوّة الذيب تسوى الروح لوتشرى وخوة الصقر ترقى بك سما عالي ومدة الكف الايمن تجبر اليسرى حتى ينال الوفاء قدرن واجلالي

بشري بالصيف يانود الهبايب بشرى يسعد بها قلب المعنّا وانت ياغصنن ربا فوق الكثايب حن ماطيري عليك اليوم غنّا خبر الاشواق عن وجد الحبايب ماحجب بعد الحبايب شي عنّا جيت كلي شوق مرهون وطلايب كي احقق حلم ماقلبي تمنّا جيت واشواقي لها غيم وسحايب بعد ما كنا على المهجر وكنا كل شيئً فيك يا دوحه عجايب يرتبط روحي بها حرفً ومعنا غير كدر خاطري شمت القرايب كم تعداني القريب وكم تجنا مادرو اني شامخه والراس هايب مثل حد السيف يبرق لاتسنا والصعايب جيت من باب الصعايب المرار الي عصر في كاس منا

ياوسع صدري لادنا بارق  الضيق وياكثر صبري يوم اجامل واداري ان جاتني بالطيب جات التوافيق تضي عتمتها ويطلع  نهاري ودونها مرضا على بلة الريق ماتجلب الشومات غير الجواري

لا والله انّا ماشكينا من الهم ولاشكينا الناس من قل حاجه  الحمد لله في رضا الله ننعم  في كل شده ماوراها لجاجه  مايحز صدري النذل لامن تكلم  عوج الفعايل لعن ابوها عواجه  مايمنعه رحمه ولايمنعه دم  صقر السوالف والفعايل دجاجه  لان الرخيص الي تربى على الذم  يذم حتى منّ على الراس تاجه  وراعي المعروف كالشامخ الشم  ماعكر الانذال صفوة مزاجه   ماله مع الذمام خالٍ ولا عم  يمشي على منهاج غير انتهاجه  فالريح الاهبت مع غابر الهم  تخلو بساحاته وتنثر عجاجه  والحر ان اخطا بعمره تندم  خطا الشجاع الي عليها يواجه

اقرأك احساس في معنى القصيد وانثرك في صرحي الدافي درر دون هذا كل شيئً مايفيد ياكيف لويهمل من الغيم المطر ان يحيد الحظ شوقي مايحيد كل كلمه ماخلا منها سطرّ كيف يادربن وقلبن يستعيد كل ذكرى في قوانين البشر لو يذوب النهر في حبل الوريد مايداوي قلب من هم انكسر

ياتميم العروبه يافريد الوجود الفرايد خصالك وانت من جابها وين ماساد حكمك كل شيً يسود والمقادير جت لك طايعه اسبابها الشوامخ منيعه ياعرين الاسود والمنابت كريمه فاحت اطيابها

اشد عزمي اليوم شد المطايا ماهي بشداتن ثقيل العزومي وانسج حروفن من عيون المرايا تلعب على هامات شم الخشومي والبوح فنن عاشقن للصبايا يلبس احاسيسي كلبسي هدومي انسج حروف البوح تحت الحنايا وامرح مع قافً يبجّل علومي علوم صدقن ماتشوب الخفايا من بارقن لمّاع وسط الغيومي كعيون نجلى جالبات المنايا ياكنها ريحن بيومن حسومي مستقبله دربي وثابت خطايا جنحان طيرن في سماها يحومي اشواقنا تُعطى لجزل العطايا  مانرتجي للطيب فضلن يدومي يابوحي الي فيك يسكن رضايا لك من تباريح المعاني حلومي حلمن نما في داخلي من صبايا وان غاب عني قلت للنفس صومي اجمع من ازهار المحبه هدايا وانحاز الى ربعي وهذي سلومي قومن لهم بالطيب كل السجايا كفوفهم تنمد عند اللزومي ليه الغصون اليوم باتت عرايا  وليه الليالي مثقله بالهمومي اشد عزمي اليوم شد المطايا ماهي بشداتن ثقيل العزومي

البعد يقطع بلب القلب قطع السيوف ياعون نفسن تقاسي البعد ياعونها  ليالي السعد ولت ياليالي الكسوف والروح باحت لصمت الليل مكنونها شعور واحساس سجلني ودون حروف الشعر والفن عازفها ومضمونها ياطير يلي لك الجنحان فيها تطوف لك بوحي اغصان كيف العيش من دونها والفجر سندس جمالك والمعاني تشوف واشراقة الشمس تتغزل بمفتونها تسكن بخاطر شعوري والمشاعر وقوف تبكي فراق الليالي وهمالة عيونها ذكرى تهز المحاني ياجميل الوصوف من فوق قلبٍ جريحً تمشي على هونها

تدري متى تبذل لغيرك حياتك لو كان حبً صادقً في حناياك وتدري متى قلبك يطول امنياتك لوكان قلبك مايداني خطاياك وتدري وش اكبر حلم حتى وفاتك نظرة قريبً عاش لك كل دنياك وتدري متى تبكي على ذكرياتك لو غيرت ذكرى حياتك مزاياك تحكي لنفسك بعض من احجياتك ويموت حلمك قبل يعرف نواياك يا ليل لو يحكي القمر سر ذاتك كان انكشف سرً سكن في مراياك بذلت لك روحً تحقق مناتك في ليلةً كان القمر من مطاياك لف المشاعر ولمها في عباتك اذا طرى طاري اشتياقي للقياك

المراجل والعوايد والسلوم ما لها في وقتنا صارت سراب من يظن ان المراجل بالهدوم لعن ابوها هيبتن بين الثياب اعتلا شان الرذايل والرخوم وانزوى ذيبن وفارقها عقاب واعتلت ارذال قومن فوق قوم دون تفسيرً لهذا او جواب وفي زمنا هبت الريح السموم تمطر الارواح باشكال العذاب من يظن الجاه في جوخً ملوم المذله واقفن له عند باب المعزه والكرامه ما تدوم غير لاهل العز ساسً وانتساب مايضي وجه السماء غير النجوم ومايجيك البرق الا من سحاب

يمه غلاك الي بصدري ترعرع انا زرعتك فيه ياروح بذره ياعيني الي دون شوفتك تدمع ويافرحي الي يسعد القلب بره لك خافقن لاجيت في حضنه اينع ولك بهجةً تشعل بروحي المسره ياقطعةً من قلبي الي تقطع من لزة الدنيا  ومن هول شره لاشافتك عيني تناسيت الاوجاع ياكن مافيني من الهم ذره  لجلك نهلت العيش واحداني الباع حتى اذبلت في منتهى العمر زهره وحلمي اشوفك كامل الرشد مولاع بما يرفع الرجال ويعز قدره

نجزل وحنّا بالجزاله شاعرات نكسي قوافيها من الجزل الحلل وفنجال كيفن من دلالن راكيات راسي من الجزل المصفى كم نهل

الليل يذبح موجع القلب بالصمت وانا على صمتي وحملي ذنوبي على الوفاء بلزوم وعدي تلزّمت وعاهدت نفسي بعد لوبعت ثوبي ان قصرو خطوه بخطوه تقدمت ولاني بندمانه على ما درو بي ياكم على كثر المواجع  تبسمت الطيب فيني والمرؤه سلوبي اضحك واجامل بس توي تعلمت ان البدايه حيث ماينتهو بي

كم واحدً ماله على النايفه باب وكم واحدً تايه مضيّع دليله وكم واحدً من غابر الوقت مرتاب والوهم له جنحان فوق المخيله هو كاذبً والا هو الوقت كذاب مهما يكن ما زاد او قل كيله والصاحب الي ماعرف قدر الاصحاب لاتحسبه من جيز ربع القبيله وياعين لولا الرمش واسبال الاهداب ماكان عشتي يا العيون الكحيله ومن تعلّى فوق جبهات ورقاب مايربح الا كل ماهي فشيله معنى الوجاهه ماهي القاب وانساب تبني لراعيها خيال الطويله فكلمةً بالحق من دون يرتاب لو كان راسه من ثمنها يجيله هذي اذا كانت على قضة الناب تعنى الوجاهه والفعال النبيله والا الذنبّ ربعه هلافيت واذناب طافي سراج العز قاصر فتيله