شمس الأصيل لتراث الشعر

يا بارقً في خايع اشواقنا لاح تنبت سنابلها من الشوق بذره قد قسمت اكبادنا روس الارماح وان فارقت تموت بالشوق حسره ان قلتها من قلب ياناظري آح ماكل نظرة شوق تحسبك نظره لوتمتلك ياشوق ريش بالجناج ماكان ياكل شوقه اليوم صدره  الشوق كافر سيفه الحاد سفاح  اذا امر فالامر له قيد امره  طفل بصدري له من العمر ماراح  والباقي الي ماتعداه عمره  اذا تعلل في رحا شفة الراح  مايبتعد عن هفة الروح شعره  يسكن جوا قلب تجافيه الجراح  وماضي صعب على القلب حصره  تموت في خد الفرح بسمة افراح  ويعاتب الشاعر قلم جف حبره  ما واحد في ذا الزمن عاش مرتاح  تضيق به ياكنها موضع ابره

ليت الليالي تمطر غيومها احلام والحلم يتحقق ويصبح حقيقه وليت الاماني جت  بعزمن واقدام مبشره  كالغيم  يلمع  بريقه ماكان هاجت زفرةً بين الانسام باسبابها  روح المشاعر  غريقه

الشعر نبرة شاعرن يملئ الكون تلعب على المقناص رفة عيونه ان مايجي جزلً وواقع ومضمون يمسك لسانه لين يرفع  ركونه شاعر طليق وشاعر الذات مسجون وشاعرن  ما يكتب الا المهونه

ليت القدر ندري بكاين خوافيه ما كان هلت دمع عيناً قريره الوقت يمضي والحقيقه شواطيه والركب ماشي مايوقف مسيره نحمل عنا وقتن بهمه وما فيه وشح السنين الي سنانه شطيره ايامه الي سود تشبه لياليه واوقاته الي معضلاة ً عسيره الله من وقتن ركبنا مأآسيه كغيمة ً تسكب همومن غزيره جف الامل من قبل يبلغ نواصيه وخابت ظنونك يالسنين المطيره

هذي ظروف العيش لاكدر العيش= عيش  الكرامه  قبل مد العطيّه ماسفهت قرمً علوم  الدراويش= تحيا الحميه في رجال الحميه ان ماتجي عند المغارم لها ريش= يلزم على الراجل ركوب المطيه