الشاعر امين ابو مازن (البارحه ناديت هجسي ولاجاب)
البارحه ناديت هجسي ولاجاب
ما جاوبتني في العلوم القريحه
مضيت في درب الشقا درب كذاب
والقلب يتالم وروحي جريحه
عانيت من وقتن رماني بلسباب
وعيني تشوف الهامله والنويحه
خطيت حرفي بالقلم والقلم ذاب
عيا يخط الا العلوم الصريحه
ياكم رجالن وضعها وضع مرتاب
يبيع الخوي من شان عين المليحه
يجري وراها ذيب لكن بلا ناب
ما ياكل الا الميته والنطيحه
صحيح نهواهن ونختار النساب
زين البكار المقبلات الصبيحه
ابشر باشبال المراجل والاشناب
يسوى مية رجال لاهب ريحه
ما نرتقي الا على كل مرقاب
يارحمة الله توصله لا ضريحه
الكلمه الي مالها عندنا اعراب
ماهي بقاموس البلاغه صحيحه
عمر الخوي ماهان خوه ولاعاب
والنذل تصبح في يدينه ذبيحه
